စင်ကာပူ-မြန်မာ သက်မွေးပညာသင်တန်းကျောင်း (SMVTI) မှသင်တန်းသားသစ်ခေါ်ယူ


စင်ကာပူ-မြန်မာ သက်မွေးပညာသင်တန်းကျောင်း (SMVTI) မှသင်တန်းအသစ်တွေကို နိုဝင်ဘာလ ၆ ရက်မှာစတင်ဖွင့်လှစ်မယ်လို့ သိရပါတယ်။

သင်တန်းကျောင်းမှာ Hospitality & Tourism နဲ့ Engineering & Technology သင်တန်းတွေကို ဖွင့်လှစ် မှာဖြစ်ပြီး တက္ကသိုလ်ဝင်တန်း အောင်မြင်ပြီး အသက် ၁၆ နှစ်နှင့်အထက်ရှိသူတွေ လျှောက်ထား နိုင်မှာဖြစ်ပါတယ်။

ဖွင့်လှစ်မယ့် သင်တန်းတွေကတော့ Front office Operations, Housekeeping Operations, Restaurant Operations, Retail Operations, Electronis (Computer & Networking), Electrical Technology, Residential Air-Conditioning, Build Fixtures and Equipment, Generanl Welding, Mechatronics (Basic Servicing) တွေဖြစ်ပါတယ်။ သင်တန်းကာလ ၆ လတက်ရောက်ရမှာဖြစ်ပြီး သင်တန်းပြီးဆုံးပါက အသိအမှတ်ပြု Certificate ပေးအပ်မှာပါ။

လျှောက်လွှာနဲ့အတူ တက္ကသိုလ်ဝင်စာမေးပွဲ အောင်မြင်ကြောင်း အောင်လက်မှတ်မိတ္တူ၊ အမှတ်စာရင်းမိတ္တူ၊ မှတ်ပုံတင်မိတ္တူတွေကို ပူးတွဲတင်ပြရမှာဖြစ်ပြီး လျှောက်ထားတဲ့အချိန်မှာ မူရင်းတွေကိုပါ တပါတည်း တင်ပြရမှာဖြစ်ပါတယ်။ ပဏာမ ရွေးချယ်ခံရပြီး အောင်မြင်သူတွေဟာ လူတွေ့စစ်ဆေးခြင်း ဖြေဆိုရမှာ ဖြစ်ပါတယ်။

လျှောက်လွှာတွေကို ဇူလိုင်လ ၃၁ ရက်ကနေစတင်ကာ သြဂုတ်လ ၉ ရက်အထိ နံနက် ၉ နာရီမှ ညနေ ၄ နာရီအတွင်း အစိုးရရုံးဖွင့်ရက်တွေမှာ SMVTI သက်မွေးပညာ သင်တန်းကျောင်း၊ အမှတ် (၁၂၃)၊ နတ်မောက်လမ်း၊ ဗဟန်းမှာ ရယူလျှောက်ထားနိုင်မှာဖြစ်ပါတယ်။

အသေးစိတ်ထပ်မံ သိရှိလိုသူတွေအနေနဲ့ ဖုန်း-၀၉၇၈၁၀၀၂၅၇၂ ကို ဆက်သွယ်မေးမြန်းနိုင်မှာ ဖြစ်ပါတယ်။

Credit ### Internet Journal